DAVAO CITY – Dakpan sa kapulisan ang tulo ka mga nalambigit sa illegal nga druga atol sa gilusad nga buy bust operation alas 4:05 sa hapon sa Purok 9 Barangay Manay Panabo City, Davao del Norte.
Giila ni PDEA Regional office 11 director Aileen Lovitos, ang target sa buy bust operation nga si Sonny Gubat Bastasa.
Nasikopo si Bastasa sa PDEA agent nga nagpaka-aron ingnon nga buyer human palitan niini ug usaka sachet sa shabu ang suspect sa kandtidad nga dies mil ka pesos.
Atol sa operasyon, gi-apil usba ug dakop ang duha ka mga bisita sa drug den nga gipang-ila nga sila Jason Ratso ug Roycel Timbal kinsa aktong nadakpan samtang mipahigayon ug shabu session sulod sa nahisgutang drug den.
Nakompiska sa mga otoridad atol sa operasyon ang 3 ka sachet sa gikatahapanjg shabu nga nagtimbang ug kapin kun kulang 13 gramos ug adunay street value nga 195,000 pesos, lain-laing mga drug paraphernalia ug buy bust marked money.
Gipasakahan na ang 3 ka mga suspect ug tukmang mga kaso.
