DAVAO CITY – Gipuhag sa mga sakop sa PDEA 11, NBI – SEMRO, Regional Special Enforcement Team, Philippine Air Force ug Digos City Police Station ang usa ka gituohang drug den sa Purok Eagle, Barangay Zone 3, Digos City, Davao del Sur, niadtong nakalabay’ng adlaw.
Sa maong operasyon, nasikop sa mga otoridad si Jeferson Keebler Cabrera alyas “Jacob”, 27 anyos; lakip na ang duha ka mga kaubanan nga nasakpang nag-shabu session nga sila Dawn Patrick Cabrera; ug Rojie Taypin, pulos residente sa maong dapit.
Positibo nga napalitan ang suspek og usa ka dakung pakete sa gituohang shabu nga nagkantidad og P5,000.
Samtang, laing lima pa ka pakete sa gidudahang shabu ang narekober nga nagtimbang og 13 gamos ug nagkantidad og kapin kun kulang P88,400.
Gikasuhan na ang mga suspek sa kalapasan sa Republic Act 9165 kon Comprehensive Dangerous Drugs Act of 2002.
via || Bombo LJF
