Gipuhag sa Digos City Police ang usa ka drug den atol sa gipahigayong buy-bust operation sa Barangay Dawis, Digos City, Davao del Sur kagahapon sa kaadlawon diin pito ka indibidwal ang nasikop.
Giila ang high value individual nga si DENNIS CORONADO LOGRONIO alyas Boss, 47 anyos, residente sa maong dapit.
Sikop sab ang lain pa niyang mga kaubanan nga sila JENILYN ACOSTA JUNGCO alyas Yuri, 34 anyos; MAY LAQUINON SALIGUMBA alyas Neneng, 45 anyos; CHERIE MAE MIRABUENO DOMINICE alyas Cheche, 30 anyos;
LOEL MONTOYA GENOBIAGON alyas Junjun, 32 anyos; ALEXIS JAY GEVEROLA ANOR alyas Jay, 22 anyos;
ug JESSALYN SOMBILON ARANDING alyas Jessa, 22 anyos; nga naggagikan pa sa ubang bahin sa probinsya.
Narekober gikan sa mga suspek ang 6 ka pakete o 5.2 gramos sa shabu nga nagkantidad og P78,000, lakip na ang duha 2 ka pakete o 6.6 gramos sa marijuana nga nagkantidad og kapin P2,300.
Nakuha sab gikan sa maong drug den ang usa ka hand granade, usa ka kalibre .38 nga revolver ug lima ka buhing bala niini.
Himas-rehas na ang mga dinakpan sa Digos City Police Station nga pulos mag-atubang og patong-patong nga kaso batok kanila.
via || Bombo BCA & Bombo LJF
