DAVAO CITY – Pasakahan na ug kasong paglapas sa Republic Act (RA) 9165 o Comprehensive Dangerous Drugs Act of 2002 ingon man paglapas sa RA 10591 o Comprehensive Firearms and Ammunition Regulation Act of 2013 batok sa pipila ka mga indibidwal nga nasikop human nga girumbo sa Philippine Drug Enforcement Agency (PDEA) ug kapulisan sa Davao del Norte ang Drug den sa Purok Sta. Cruz, Barangay Malativas, Panabo City, Davao del Norte.
Gikanayon target sa operasyon ang usa ka Gerald Gudmalin, 28-anyos, residente sa maong barangay giin nakuha gikan sa ilang posisyon pakete sa illegal nga druga nga muabot ngadto sa usa ka gramo nga nikantidad sa P8,000.
Apan atol sa operasyon, kalakip sa mga nasikop ang mga trabahante sa drug den nga sila si Shirley Gudmalin ug ang bisita sa drug den nga si Tammy Panganduyon Jr. Narekober sulod sa drug den ang dose gramos nga shabu nga mubalor ngadto sa P180,000, assorted drug paraphernalia, buy-bust ug boodle money.
Dihang gihiling ang mga suspek, narekober ang usa ka punto 45 kalibre sa armas ug bala. Una ng gibutyag ni PDEA 11 Regional director Aileen Lovitos nga padayon nila nga pakusgon ang anti-drug campaign niini.
Nagpasalamat ang opisyal ngadto sa publiko nag padayon lamang nga makiglambigit kanila arun nga gilayong marespondehan sa kapulisan ang susamang illegal nga mga aktibidad.
