DAVAO CITY – Pormal nang giabrihan ang Drug Abuse Treatment and Rehabilitation Center nga naa nahimutang sa Brgy Malagos, Baguio District dakbayan sa dabaw.
Ang nahisgutang pasilidad ang gamiton alang sa mga tawo nga kanhi nalulong sa paggamit ug illegal nga druga.
Gipangunahan ang inagurasyon sa nahisgutang pasilidad nila Department of Health Assistant Secretary of Health Dr. Roy Ferrer, Undersecretary Dr Abdullah Dumama Jr, DOH Davao Regional Director Dr Annabelle Yumang, Assistant Regional Director Dr Gerna Manatad ug uban pang mga opisyal.
Gikanayon ni Dumama, dili lamang limitado sa mga taga dakbayan sa dabaw ang nahisgutang pasilidad gumikan kay mamahimo usab kining mohatag ug serbisyo ngadto sa mga drug dependent nga mopa-ilalom sa rehabilitasyon nga gikan sa kasikbit nga mnga rehiyon lakip na ang North Cotabato ug Bukidnon.
Ang nahisgutang pasilidad nga adunay gilapdon nga halos 20,000 square meters ang gi-donate sa Resorts World Philippine Cultural Heritage Foundation Incorporated ug giponduhan sa Philippine Amusement and Gaming Corporation pinaagi sa Memorandum of Agreement tali sa DOH ug PAGCOR.
Kahinumduman nga gigamit usab ang nahisgutang pasilidad isip Temporary Treatment and Monitoring Facility (TTMF) alang sa mga pasyenteng positibo sa Covid-19 sulod sa duuha ka tuig.
