-- ADVERTISEMENT --
Patay ang usa ka wala pa mailhing indibidwal, human nga nalatayan ang ulo niini sa usa ka truck samtang nagmaneho kini sa iyahang motorsiklo, mga kapin alas 10 ang takna kagahapon sa gabii sa kanto Doña Pilar atbang matud pa sa usa ka Bangko sa Sasa ning dakbayan.
Sumala pa sa nakasaksi nga naipit matud pa sa kilid sa center-island sa maong kalsada ang driver sa motor, hinungdan nga wala kini dayun mabantayi sa driver sa truck, dayong na out-balance matud pa ang driver sa motorsiklo hinungdan sa iyahang pagkatumba, rason nga nalatayan ang ulo niini sa maong truck.
Sa karun, padayon pang ginasuta sa kapulisan ang pangalan sa maong biktima, samtang gikostudiya na usab ang driver sa truck alang sa tukmang disposisyon.
