DAVAO CITY- Nadisgrasya kagainang alas 5:30 sa buntag ang usa ka Suzuki S-Presso sa may diversion road barangay Matina pangi ning dakbayan.
Sumala pa sa driver nga giilang si Carl Bryan Ilat, 19-anyos, residente sa Barangay Catalunan Pequeño ning syudad, nga nakatulog matud pa siya samtang naga drive.
Saysay pa niini nga gikan matud pa siya sa Makilala unya nag motor lamang kini apan sa dihang mipauli kini sa Catalunan, gipamalihugan kini saiyang igsuon nga ihatod sa Buhangin ang officemate niini.
Sa dihang naglayag sa diversion road, plano matud pa sa driver nga makigswap og drive sa iyang igsuon gumikan katugon kini, apan alanganin na matud pa ihunong sa maong lugar gumikan tungasunon na kini busa nakahukom kini nga sa unahan nalang mohunong. Apan igo nakatagpilaw kini samtang nagdrive rason nga nibangga kini sa center island.
Gilayon kining girespondehan sa BDRRMO Matina Pangi ug Talomo PNP diin nakahiagom og minor injuries and duha ka sakay niini, lakip na usab ang driver nga gilayong gidala sa balay tambalanan.
Nasuta nga ang sakyanan gipanagiyahaan sa kumpanya nga ginatrabahoan sa igsuon sa driver.
