DAVAO CITY – Patong-patong nga kaso ang iduso karong adlawa batok sa driver sa 10-wheeler truck driver nga nalambigit sa aksidente sa Matina Pangi, ning dakbayan nga miresulta sa kamatayon sa 10 ka mga indibidwal ug usa ang anaa sa kritikal nga kondisyon.
Mag-atubang si Joel Sinampay Aras, 36 anyos, residente sa Camaman-an, Cagayan de Oro City ug kasong reckless imprudence resulting to multiple homicide with double serious physical injuries ug damage to property. Â
Sumala pa kang Police Major Ronald Lao, hepe sa Talomo Police Staion, gi-andam na nila karon ang kaso batok sa nahisgutan. Ipahigayon sumala pa karon ang Inquest proceedings sa City Prosecutor’s Office.
Una ng gibutyag ni Davao City Police Office (DCPO) director Alexander Tagum nga hingpit ng nakabsan sa iyang kinabuhi ang ikanapulo nga biktiman nga si Vicente Cedeno, driver sa L300 Van ug residente sa Lamanan, Calinan kagahapong adlawa samtang anaa sa Southeastern Philippines Medical Center (SPMC).
Samtang naila sab ang tulo pa ka mga biktima nga sila si Jose Sayman Manaytay, 22, empleyado sa KSMG Hardware ug residente sa  Binondo, Baganga, Davao Oriental; Virjiher Cabalo Sangco, 18, estudyante sa St. Peter College of Toril, ug working student sa Revier Retreat House sa Ulas; ug Hernie Bastatas, legal age, estudyante sa St. Peter College of Toril, working student sa Revier Retreat House of Ulas, ug residente sa Catalunan Grande, Davao City.
Una ng gibutyag sa driver nga nawad-an ug preno ang iyang gimaneho nga 10 wheeler truck nga maoy hinungdan sa disgrasya.
