DAVAO CITY – Guba ang atubangan sa usa ka taxi human mibangga kini sa likod nga bahin sa naka-park nga truck sa C.P. Garcia partikular na sa under construction pa nga overpass sa may Ma-a, Diversion Road, Davao City, pasado alas-sais kaganihang buntag.
Subay sa inisyal nga imbestigasyon sa mga otoridad, nasayrang nakatulog ang drayber sa taxi samtang nagbiyahe kini diin mibangga kini sa usa ka truck nga nakaparada tunga sa dalan kung asa adunay ginapahigayon nga konstruksyon sa maong lugar.
Giila ang biktima nga si Noel Acedo Rebucas, usa ka taxi driver ug residente sa Purok 5, Deigo Silang Street, Nabunturan, Davao de Oro.
Gumikan sa kakusog sa impact sa pagkabanga niini, nakaangkon ang biktima og serious injury ug gilayon kining girespondehan sa mga personahe sa Davao City Central 911 .
Gilayon sab nga gidala ang biktima sa ospital aron matambalan.
Via || Hana Rallos
