DAVAO CITY- Kabsan sa kinabuhi ang usa ka lalaki human sa nahitabong disgrasya tali sa dump truck ug motor sa Sitio Marahan, Barangay Marilog, ning dakbayan kaganinang kaadlawon.
Giila ang biktima nga si Jonas Minsan, 25 anyos, residente sa Brgy. Salaysay, Marilog District.
Sumala pa sa imbestigasyon sa mga kapulisan, susamang naglawig ang duha ka mga sakyanan sa Davao Bukidnon National Highway kung diin nag-una niini ang dump truck nga gimaneho ni Reybert Cabotaje, 28 anyos, residente sa Sitio Balubalsa, Brgy San Isidro, Talakag Bukidnon.
Apan pag-abot niiini sa nahisgutang lugar, kalit nalang matud pa nibangga sa likod nga bahin niini ang motor nga gimaneho sa biktima rason sa pagkatumba niini sa dalan.
Gumikan sa kakusog sa impact, kabsan gilayon sa kinabuhi ang biktima.
Ning kasamtangan, anaa na sa kustodiya sa kapulisan ang driver sa dump truck.
