DAVAO CITY – Nangayo ug pasaylo human nga mipatim-aw sa Buhangin Police Station ang driver sa pedestrian nga maoy hinungdan sa kamatayon sa usa ka driver ug pahinante niini diha atubangan sa Davao International Airport niadtong Martes sa hapon.
Gihinabi kini ni Buhangin Police Station Commander Maj. Antonio Luy ang wala panganli nga drayber ug nangayo ug pasaylo pinaagi sa iyahang public apology gumikan sa maong panghitabo.
Samtang iyaha sab nga giawhag ang mga drayber sa syudad ilabi na sa mga pampublikong sakyanan nga motamod sa balaod trapiko aron walay mga kakulian.
Una ng gibutyag sa Bunhangin PNP nga lakip ang drayber sa PUJ ang ilahang pasakahan ug kaso tungod sa pagpanaug sa pasahero sa pedestrian lane ug nideretso ra usab ang usa ka babaeng pasahero sa pagtabok bisan ug naka-go-signal pa niadtong higayuna nga maoy hinungdan sa kalit nga pag-brake sa drayber sa trak nga miresulta usab sa iyahang hinanaling kamatayon uban ang pahinante niini tungod sa pagdailos sa bakal nga nilapos sa ilahang likod.
Kahinumduman nga lakip sa gibasol ang drayber sa PUJ sa pipila ka mga katawhan gumikan sa pagpasagad niini sa balaod trapiko.
