Nakamugna og bug-at nga dagan sa trapiko ang nahitabong disgraya tali sa mga dagkong sakyanan sa Gulf View, Bago Aplaya, ning syudad kagahapon.
Subay sa inisyal nga imbestigasyon, susamang dalan ang mga dagkong sakyanan apan pag-abot niini sa nasampit nga lugar, kalit na lamang matud pa nabanggaan ang delivery truck sa Gas tanker rason nga nadusmo usab ang atubangan bahin sa maong delivery truck sa gisundan nga trailer truck.
Gumikan sa kakusog sa impact, na-sandwich ang maong sakyanan nga maoy hinungdan sa pagla-ipit sab sa driver niini.
Hinoon, daling narespondehan sa mga otoridad ang maong insidente ug malampuson sab nakuha ang driver nga na-ipik kinsa ning kasamtangan, padayong naga-paalim sa balay tambalanan.
Subli sab gipahinumduman sa mga otoridad ang publiko nga modistansya sa gisundan nga sakyanan engkaso adunay mga susamang insidente aron dili mabutang sa peligro ang kinabuhi.
Gikinahanglan matud pa ang focus ug kanunay nga pag-amping samtang nagalawig sa kadalanan.
