DAVAO CITY – Ipatawag gilayon ang mga personahe gikan sa Department of Public Works and Highway (DPWH) ingon man Department of Environment and Natural Resources (DENR) sa City Council aron pangutan-on sa mga nahimong lakang niini sa gihimong halapad nga pagpamutol ug kahoy sa Maa ning siyudad gumikan sa commercial project.
Kahinumduman nga mi-alma si Konsehal Pilar Braga sa gihimong pagpamutol sa mga dagkong punoan sa kahoy daplin sa kasapaan sa nahisgutan nga lugar.
Una ng gibutyag sa konsehal nga dakong tabang ang mga kahoy aron nga batukan ang soil erosion ug pagbaha.
Gihimo sumala pa ang proyekto nga walay environmental concern ug mamahimong epekto niini sa kinaiyahan.
Gitataw ni Konsehal Braga nga mas maayo pa nga mibalhin na lamang ug lain nga lugar ang maong proyekto kaysa sa pamutlon ang mga punoan sa kahoy.
