-- ADVERTISEMENT --
DAVAO CITY – Nakasaway si Davao City Inday Sara Duterte sa Department of Public Works and Highways (DPWH) gumikan kay hangtud karon wala pa gihapon nahuman ang dalan nga paingon sa Paquibato District bisan nga usa ka tuig na ang milabay sukad kini gisugdan.
Naglaom na lamang si Mayor Inday nga unta dili na maabtan ug ikaduhang tuig ang konstruksiyon sa dalan sa nahisgutan nga dapit.
Kahinumduman nga nakita mismo sa Mayor nga wala pa natapos ang dalan sa nahisgutan nga lugar human mitambong kini sa unang anibersaryo sa Peace 911 nga gilunsad sa barangay Paquibato Proper kaniadtong Mayo 17, 2018.
Gipasalig sa Mayor nga magpadayon ang siyudad sa local peace initiative sa mga hilit nga lugar dinhi sa dakbayan.
