Nagpahigayon na og overhauling sa tibuok Mindanao Railway Project ang Department of Transportation.
Tumong niini nga mahatagan og pagtagad ang pagka-moderno ug environment-friendly nga teknolohiya alang sa maong proyekto.
Sumala pa ni Transportation Secretary Jaime Bautista, ginapadali nila ginamugna nga feasibility study dinhi nga kasamtangang ginatrabaho sa iyang mga consultant.
Gipasalig usab sa kalihim nga mahuman ang nasangpit nga proyekto ubos sa administrasyong Marcos Jr.
Kon kahinumdoman, niadtong Pebrero ning tuig kasamtangan, gipahibalo sa ahensya ang pagsugod sa pre-construction activities alang sa maong proyekto.
Apil na niini ang yuta nga maagian sa Mindanao Railway Project, alignment ug relocation areas sa mga apektadong residente.
Samtang, magpadayon ang paghuman sa nashigutang proyekto kasabay ssa pagpangita sa ahensya ug pondo alang niini human gibasura ang pagpondo sa China.
Ning kasamtangan, nakipag-alayon na ang nahisgutang ahensya sa DBM alang sa pondo niini.
