DAVAO CITY – Magpakatag og dos mil ka mga sakop Davao City Police Office alang sa mga dagkong katikaran sa umaabot nga ika-86 nga Araw ng Dabaw.
Gikanayon ni DCPO spokesperson PMaj Catherine Dela Rey, nakahan-ay na ang tanang mga kalihukan karong bulan sa Marso alang sa seguridad sa mga bisita.
Dugang pa, gipinalisa na ang securtiy template nga ipatuman alang sa tibook bulan nga selebrasyon inubanan sa daghanan pang mga pwersa sa Police Regional Office 11, auxiliaries, ug uban pang force multipliers.
Pinakadagko ang mamahimong deployment sa pagahimoong Parada Dabawenyo karong Marso 18, diin dos mil ka Pulis Dabaw ang ilang ipakatag lakip na ang dugang nga kapin 300 ka mga sakop sa PRO 11.
Samtang, nasa dul-ang tulo ka libo ka mga personahe ang i-deploy sa Ironman 70.3 triathlon sa tibuok ruta niini karong Marso 26 diin 1,200 ang gikan sa PNP, 500 ka mga auxillaries, ug 1,250 ka mga force multipliers ang ipakakatag.
Naghangyo ang kapulisan ngadto sa mga Dabawenyo nga makig-alayon gayud alang sa pagpatuman sa culture of security campaign lakip na ang pagsunod sa safety guidelines and protocols atol sa kasaulogan sa Araw ng Dabaw.
via || Bombo LJF
