DAVAO CITY- Nanawagan karon ang lokal nga panggamhanan sa dakbayan ngadto sa publiko og donasyon alang sa mga pamilyang naapektohan sa natigayong sunog sa Brgy. 2-A, ning dakbayan atong nakalabyng adlaw.
Kahinumduman nga miabot sa 203 ka mga pamilya ang labing naapektohan sa pagsilaob sa kalayo human ang pagkaugdaw sa 150 ka mga panimalay.
Kabahin niini, gianunsyo sa lokal nga panggamhanan ang drop off points alang sa mga boot mohatag og tabang nga magsugod unyang alas otso sa buntag sa Rizal Park, tapad sa City Hall hangtod alas singko sa hapon.
Mamahimo lamag i-contact si Anna Apayart sa numerong 0951-794-2374.
Labing gikinahanglan matud pa sa mga biktima karon ang pagkaon, bottled water, hygience kits, sleeping materials, disposable underwear, mga sinina, utensils, tsinelas, ug uban pang nag-unang panginahanglanon sa mga pamilya.
Kahinumduman nga wala gayuy nasalbar nga kagamitan ang mga biktima gumikan sa kapaspas sa maong panghitabo.
Sa pikas bahin, nihatag na og katin-awan ang inahan sa usa batang PWD nga nakabsan sa kinabuhi atol sa sunog.
Sumala pa niini nga adunay nagbantay sa duha ka mag-ig-agaw nga batang PWDs apan nigawas kini kadali rason nga wala na kini nasalbar pa.
Dugang pa niini nga gibalikan ang mga bata apan tungod sa trauma nga nasinatian sa duha sa pagsilaob sa kaayo, gipamaak niini ang kamot sa usa ka indibidwal.
Ning kasamtangan, anaa sa Magallanes Elementary School ang mga apektadong pamilya.
