DAVAO REGION- Subling nagpahinumdom ang buhatan sa Department of Labor and Employment XI ngadto sa mga walk-in nga applikante nga mosalmot alang sa Kalayaan Job Fair 2024 nga dili kalimtan ang pagsul-ob ug corporate attire ug pagdala sa ilahang resume, biodata ug uban pang requirements.
Ang maong halapad nga Kalayaan Job Fair 2024 ang mahitabo na karong adlawa sa Gaisano Mall of Davao nga nahimutang sa J.P Laurel Avenue, Bajada ning dakbayan sa Davao.
Ang maong aktibidad ang nahisubay sa tinuig nga job fair atol sa paghinumdom sa Independence Day sa nasud Pilipinas.
Kahinumdumang kini ang magtanyag og 4,370 nga mga job vacancies ning tuiga ngadto sa mga dabawenyo, diin ang among ihap ang gilangkuban sa 2,592 nga local job vacancies sama sa BPO, Wholesale and retail trade, administrative and support service, financial and insurance ug manufacturing.
Samtang dunay 1,778 alang sa overseas job vacancies nga naglakip sa staff nurse, manufacturing operator ug production operator nga top destination niini mao ang Czech Republic, Saudi Arabia, United Kingdom, Japan og Papua New Guinea.
Pag-saad usab sa buhatan sa DOLE XI nga lisensyado ug legal gayud ang operasyon sa mga mosalmot ga overseas emloyers.
Sigon pa ni DOLE XI- Senior Labor and Employment Offier Jenelyn Sanchez nga nagpahigayon gayud sila og cross checking sa tanang overseas employees diin nakarehistro kini sila PhilJobNet ug nakapasa gayud sa ilahag mga dokumentong resikitos.
Ang Kalayaan Job Fair 2024 ang kabahin sa pagsaulog sa ika-126 nga Independence Day nga nakaangkla sa tema nga “Kalayaan. Kinabukasan. Kasaysayan.” Ipasundayag usab sa DOLE-11 ang Kadiwa ng Pangulo Fair, nga magpakita sa nagkadaiyang lokal ug presko nga produkto gikan sa 11 ka livelihood beneficiaries gikan sa siyudad ug mga probinsya sa Davao del Sur ug Davao del Norte.
via// DMA
