DOLE nanawagan sa mga kompanya nga ihatag ang 13th month pay sa mga empleyado

Nanawagan ang ahensiya sa Department of Labor and Employment (DOLE) 11 ngadto sa mga employer nga motamud sa balaud ug ihatag ang gikinahanglan nga benepisyo sa mga empleyado sama na lamang sa 13^th month pay.

Tipik lamang kini human nga pipila ka adlaw na lamang saulogon na ang kapaskohan.

Gipasabot ni Atty. Jason Balais, Assistant Regional Director sa DOLE-11, nga kalakip sa mga angaya’ng hatagan og pahalipay  ang mga regular nga empleyado ingon man contractual nga nakatrabaho na sa usa ka pribadong kompanya nga dili moubos sa usa ka bulan.

Hinuon gitino ni Atty. Balais nga dili na kalakip sa 13^th month pay ang mga Task base o Commission base employees.

Gipasabot sa opisyal nga ang 13^th month pay tugbang sa tanan nga basic salary sa usa ka tuig ug i-divide by 12 o 1-12 sa total earning sa empleyado.