Nagpahinumdom karon ang Department of Labor and Employment (DOLE) labot sa katungod sa mga empleyado nga motrabaho sa Hunyo 17 atol sa sa Eid’l Adha o Muslim Feast of Sacrifice alang sa double pay.
Subay sa Labor Advisory No. 08, series of 2024 nga gilagdaan ni DOLE Undersecretary Carmela Torres, nakalatid ang komputasyon o mga sumbanan sa pagbayad sa sweldo alang sa regular holiday.
Gideklara ni Pangulong Ferdinand “Bongbong” Marcos Jr., pinaagi sa Proclamation 579, ang Hunyo 17 isip regular holiday alang sa paghinumdom sa Eid’l Adha.
Sa labing ulahi nga labor advisory niini, gikanayon sa DOLE nga alang sa trabahong gihimo sa panahon sa regular holiday, ang employer ang angayang mobayad ug kinatibuk-ang 200% sa sweldo sa empleyado alang maong adlaw sa unang walo ka oras.
Samtang, kung ang empleyado ang dili motrabaho, mobayad lamang gihapon ang employer ug 100% sa sweldo sa empleyado alang sa maong adlawa sa kondisyon nga ang empleyado moreport sa trabaho o naa sa leave of absence nga adunay sweldo sa adlaw una ang regular holiday.
Alang overtime o kapin walo ka oras sa regular holiday, makakuha ang empleyado ug dugang 30% sa hourly rate sa maong adlaw.
Gawas niini, kung ang empleyado motrabaho atol sa holiday ug mag-overtime duty, ang employer ang mobayad ug dugang 30% sa hourly rate sa maong adlaw.
Ang Eid’l Adha ang usa sa duha ka mahinungdanong holiday sa Muslim calendar, gawas sa Eid’l Fitr, o ang pagtapos sa holy fasting month sa Ramadan.
