Masaligon ang Department of Labor and Employment (DOLE) nga maipatuman gihapon ang ₱85 nga adlawang umento sa minimum wage sa Metro Manila bisan pa sa temporary restraining order (TRO) nga gipagawas sa korte.
Matud pa ni Labor Secretary Francis Tolentino nga nagtuo siya nga ilhon sa korte ang probisyon sa 1987 Constitution nga naghatag og hingpit nga panalipod sa mga mamumuo.Kahinumdoman nga gipagawas sa Pasig Regional Trial Court ang TRO kaniadtong Hulyo 30 kalabot sa petisyon sa duha ka construction companies nga nagkuwestiyon sa Wage Order No. 27 sa Regional Tripartite Wages and Productivity Board.
Naglatid ang Wage Order No. 27 og ₱85 nga dugang-sahod alang sa minimum wage earners sa pribadong sektor sa Metro Manila, diin ipatuman kini sa duha ka hugna, ₱60 nga misugod kaniadtong Hulyo 25 ug ₱25 sa mosunod nga petsa.Giklaro ni Tolentino nga kinahanglan bayran sa mga employer ang natigom nang wage increase sa mga employees sa wala pa mahimong epektibo ang TRO.Gipasalig usab sa DOLE nga magpadayon kini sa pagpanalipod sa mga trabahante.
