DAVAO CITY – Nagpahimangno si Eduardo Monreal, Department of Labor and Employment (DOLE) Region XI labor communications officer, ngadto sa mga pribadong kompanya nga mobalibad pag-sumite og pangalan sa mga kwalipikadong empleyado sa COVID-19 Adjustment Measures Program (CAMP) nga mamahimong manubag ang mga nahisgutan sa higayon nga matapos na ang community quarantine.
Sumala sa nahisgutan nga mamahimo sumala pa nga moduso ug reklamo ang mga mamumuo sa ilang buhatan.
Gitataw sa opisyal nga pangayoan sa regional labor office ug eksplinasyon ang mga kompanya nga dili motamud sa kamandoan.
Bisan nga adunay pipila ka mga kompanya nga walay kapasidad nga mo-comply sa CAMP, ang ebalwasyon sumala pa niini himuon nga individual basis.
Gikanayong ang Inspectors maoy ipadala sa kompanya aron subayon kung aduna kini nahimong kalapasan ayha pahamtangan ug silot.
Apan sa kasamtangan dili una mapahigayon ang inspeksiyon ug himuon na lamang kini human ang home quarantine period sanglit prayoridad una nila sa kasamtangan ang pagproseso sa tanan nga mga aplikasyon alang sa CAMP.
Sa nahisgutan nga pamaagi ang kwalipikadong mamumuo makadawat sa ilang P5,000 financial aid nga walay pagkalangan.
Sa kasamtangan, ang kagamhanan nakadawat na ug 7,900 applications alang sa evaluation ug nakapagula na sila ug anaa sa P9.9 million ngadto sa 130 establishments, nga dakong tabang simala pa sa 1,989 ka mga empleyado.
