DOJ nagtuo nga adunay nagpondo sa mga nagpakatag og fake news

Kumbinsido si Justice Secretary Jesus Remulla nga adunay grupo nga anaa sa likod sa pagpakatag sa mga fake news.

Gibutyag niini nga adunay 20 ka mga indibidwal ang ilahang giimbestigahan nga nagpakatag sa nasampit nga fake news.

Sumala pa sa opisyal nga mas gihatagan niini og pagtagad ang kaayuhan sa kadaghanan inay nga nga sabton ang gawasnong pagpadayag sa pipila ka mga tawo.

Wala sumala pa’y daotan nga magpadayag sa mga kasuko o unsa man nga mga pamahayag sa mga online basta siguraduhon lamang kini nga adunay kamatuoran.