DAVAO REGION- Giklaro sa Department of Justice (DOJ) nga subling nadakpan sa mga kapulisan sa Timor Leste ang gipalagpot nga si congressman Arnolfo Teves Jr. Kini human sa pipila ka oras nga paggawas niini gumikan sumala pa sa kasupakan sa international law ang extradition request sa nasud.
Sumala sa DOJ nga anaa sa Becora Prison sa Dili sa Teves alang sa pagdungog sa ilahang extraditon.
Motambong si Teves sa pagdungog kauban sikanhing human rights commissioner Wilhelm Soriano isip representative sa human rights.
Mobarog si Soriano aron nga mahimong testigo sa human rights violations sa nasud.
Gibutyag sab ni DOJ spokesman Mico Clavano, nga kung mahimo ang pagdungog sa extradition case kang Teves ug mamahimo na kining ma-deport depende na sa koordinasyon sa gobyerno sa Pilipinas ug sa Timor Leste Gibatikos sab ni Clavano ang nahimong iresponsableng pahayag sa abogado ni Teves nga si Atty. Ferdinand Topacio kabahin sa pagpagawas sa kanhing kongresista.
Gitawag pa niini nga ang pahayag ni Topacio usa ka dakong insulto sa duha ka nasud.
Gipanghingusgan ni Clavano nga nakasubmitar sa saktong oras ang DOJ sa mga dokumentong gikinahanglan. Kahinumduman nga si Teves ang gitudlo nga mastermind sa pagpatay kang Negros Oriental Governo Roel Degamo niadtong Marso 2023.
Sukad niadto nitago na si Teves sa Timor Leste tungod sumala pa sa walay hustisya nga madawat niini sa gobyerno.
