DAVAO CITY – Personal nga nibisita sa Davao City si Department of Health officer in charge Maria Rosario Vergeire alang sa pagpanukad sa ikaduhang hugna sa nationwide Bakunahang Bayan campaign sa buhatan nga mahuman karong adlawng Miyerkules.
Nga-awhag ang opisyal ngadto sa mga Dabawenyo nga magpabakuna na aron maabot sa Davao Region ang “wall of immunity”. Malipayon usab niini gipaambit sa katawhan nga miabot na sa 101.1% ang vaccination rate sa syudad ug naghinaot kini nga patas-an pa ang vaccination rollout, gumikan 25% pa lamang ang nakadawat og booster.
Mapasalamaton sab si Vergeire ngadto sa Publiko gumikan sa walay puas nga partisipasyon niini aron nga hinay-hinay nga mukunhod ang kaso sa dakbayan pinaagi sa pagpabakuna, pagsunod sa minimum public health protocols, ilabi na kadtong mga health workers nga padayon ang serbisyo alang sa katawhan taliwala sa peligroso nga mataptan sila sa virus.
Gawas sa primary doses, target sa maong programan nga mapataas ang coverage sa vacccination alang sa mga booster doses.
Kasamtangang anaa pa lamang sa 26% ang nahatagan ug booster doses sa tibuok nasud. Naglaum ang opisyal nga makab-ot sulod sa tulo ka adlaw nga vaccination drive ang 50% sa kinatibuk-ang populasyon nga mahatahan ug bakuna kontra virus.
via || Bombo LJ Florendo
