DAVAO CITY – Nagkapuliki karon ang Department of Health sa pagsulbad sa problema sa kakulang sa nurses sa nasud Usa lamang kini sa giatubang nga suliran sa bag-ong lingkod nga si Health Secretary Ted Herbosa.
Busa nahuna-hunaan ni Herbosa ang sugyot nga hatagan og temporary license ang mga wa nakapasar nga nurse sa Board Exam.
Nagtuo ang opisyal nga makatabang kini aron mapug-ngan ang 4,500 vacant plantilla items sa mga nursing graduate nga wala pa nakapasar sa exam pero dunay score nga 70% ngadto na sa 74% sa ilang board exam.
Ang 4,500 ka nurse labing kinahanglan sa 70 ka mga pampublikong balay tambalangan sa nasud.
Ang sugyot ni Herbosa niani og nagkadaiyang pagsaway gikan sa health sector. Sa pikas bahin atol sa pakigkita ni Herbosa sa PRC nipasibaw og suporta ang nasangpit nga commission sa plano opisyal sa DOH.
Pero kon atong lantawon ang Philippine Nursing Act of 2002, walay provision ang maong balaod nga nagtugot sa paghatag og temporaryong lisensya ngadto sa mga nursing graduate nga wala pa nakapasar sa board exam.
Bisan og matugutan ang maong sugyot igo na ba kaha kini nga lakang sa pagpuno sa kakulangon sa mga Nurse sa atong mga hospital? o sama ba gihapon kini sa ubang program sa gobyerno, nga band aid solution?
Mga ka Bombo amo kamong giawhag sa pagpadangat sa inyong panlantaw og opposing views nga pwede namong ipadangat sa kahanginan. Mamahimo ninyo kining i-send sa Bombo_Davao@Bomboradyo.info.
