DOH giklaro nga dili air-borne ang mpox

Subling gipaklaro sa Department of Health (DOH) nga dili air-borne disease ang mpox virus.

Sumala sa DOH nga mobalhin lamang ang mpox pinaagi sa skin-to-skin contact.

Mamahimo sab kining gilayon nga matanggal pinaagi sa paghugas ug tubig gamit ang sabon.

Sa gipaguwa nga sumbanan sa DOH nga angayang batasanon ang hygien, pag-dissinfect sa mga gamit, pagsuot ug dugang proteksyon sa kalawasan sama sa long sleeves o jackets lakip usab ang paglikay nga moduol sa mga kontaminadong hayop sama sa unggoy.

Gitambagan sab sa DOH ang mga nakasinati ug sintomas niini nga magpakonsulta sa labing duol nga ospital.