DAVAO CITY – Gikompirma sa Department of Health (DOH) Eleven nga misaka ang iyang sa mga nagbalati-an ug dengue karong tuiga dinhi sa dakbayan sa Davao ug sa tibuok rehiyion unse.
Sumala pa kang Dra. Anabelle Lomang, DOH Eleven Director nga sa tibuok Region 11 mikabat ngadto sa 3,777 na ang mga nagbalati-an ug dengue, samtang sa dakbayan sa Davao 1,775 na ang mga gikatala nga dunay dengue gikan sa Enero 1 – hangtud Hulyo 23 kasamtangan nga tuig.
Taas kini kung itandi sa samang panahon sa milabay nga tuig.
Bisan pa niini dili pa kinahanglan nga mo-deklara ug state of calamity ang rehiyon ug ang dakbayan sa Davao gumikan kay bisan kung taas na ang ihap sa mga nataptan niini apan wala pa makaabot sa tulo ka tuig nga monitoring labot sa padayon nga pataas sa ihap sa mga nangabiktima.
Sumala pa kang Dra. Lumang nga mitras wala pa magka-epedemic ang dengue sa dakbayan, angay na nga mas hugtan ang kampanya aron nga magubat ang mga dapit diin nagapangitlog ang lamok nga nagdala sa sakit nga dengue aron nga mokubos ang mga mapaakan niini.
