DAVAO CITY – Nakatala ang Department of Health (DOH)-Davao og pagsaka sa ihap sa mga namatay tungod sa rabies sa milabay nga 2019 o anaa sa 24 diin mas taas kini ug 50 percent gikan sa 16 fatalities sa milabay nga tuig 2018.
Sumala pa kang Dr. Vergel Jay Bautista, DOH Davao medical coordinator for Rabies Prevention and Control Program, sagad sumala pa sa mga kaso ang natala dinhi sa dakbayan sa davao sanglit ang pipila sumala pa sa mga kaso ang gi-refer sa Southern Philippines Medical Center (SPMC).
Ang dakbayan sa Davao ang nag-una sa pinakadaghan ug kaso nga anaa sa 11 ka mga namatay; misunod ang Davao Oriental adunay upat; Davao de Oro adunay upat; Davao del Norte, adunay tulo ug Davao del Sur adunay duruha.
Atol sa first quarter sa 2020, nakatala sila ug duruha ka kaso sa rabies. Gikanayong ang data sa milabay nga tuig ang mas dako kung itandi sa data sa 2013.
Gitataw ni Bautista nga kinahanglan responsable ang mga nanag-iya ug hayop sama sa mga iro aron nga makunhuran ang kaso sa rabies.
Angayan sab sumala pa nga siguruhon sa mga Pet owners nga mabakunahan ang ilang mga alagang iro ug iring ingon man hatagan ang mga nahisgutan ug limpiyo nga pagkaon ug matulogan.
Gitambagan sab niini ang publiko nga mobisita sa mga local veterinary office aron nga masubay ang kondisyon sa ilang mga hayop.
