Gipapaandam na sa Department of Health Davao ang tanang mga pampubliko ug pribadong rehiyon sa tibuok Davao Region gumikan sa ubay-ubay nga pagsaka sa mga kaso sa COVID19 dinhi sa rehiyon human sa natigayong mga kalihukan sa Holy Week.
Sumala sa gipagawas nga Advisory Number 2 na gipirmahan ni Dr. Anabelle Yumang, kinahanglang magtagana ang matag pampublikong ospital og 30% sa ilang bed capacity, samtang 20% alang sa privbate hospitals ug 15% alang sa level 2 ug 3 nga ospital.
Kahimundumang gikatala sa Davao Region ang pinadaghang kaso sa maong kagaw sukad pa sa nakalabayng bulan sa Marso nga muabot sa 803 gikan sa 454 ka mga kaso kaniadtong Pebrero.
As of April 10, nasa 358 ang aktibong mga kaso diin pinakadaghan niini ang 208 sa Davao City.
Gipasalig ni Dr. Gerna Manatad, DOH-Davao assistant regional director, nga nagpabiling manageable ang ihap sa mga kaso, apan gipahimangnoan gihapon sa buhatan ang publiko nga mag-igmat og ipadayon ang batasanong pagtuman sa health protocols sama sa pag-disinfect, physical distancing, ug pagpabakuna.
Samtang, sa bahin sa kapulisan, gikabutyag ni Police Major Catherine Dela Rey, ang tigpamaba sa Davao City Police Office, wala man hinuon restrictions sulod sa mga establisyemento o sa bisan unsang events nga ipahigayon, apan pahingusgan nila pag-balik ang information dissimination ug ang hugot nga pagpasuot og face mask lakip na ubang health and safety protocols ilawom sa Alert Level 1 classification nga gitagana sa IATF.
via || Bombo LJF
