DAVAO CITY – Nagtumong ang DOH Davao nga mahawan na ang pagkuyanap sa sakit nga leprosy pag-abot sa tuig 2030.
Matud pa kang Evelyn Uy Gepito, nurse coordinator sa National Leprosy Control Program sa DOH-Davao Region, bisan pa man napapha na ang leprosy kaniadtong 1998 matud pa sa World Health Organization, aduna gihapon nagpahinabong kaso niini nga nagasaka sulod sa napulo ka tuig gikan 2008 hangtud 2018 nga niabot sa 1,500 to 2,000 ka mga kaso sa tibuok kalibutan.
Samtang natala sab dinhi sa Davao Region ang 49 ka mga kaso sa nakalabayng tuig. Nanghinaot ang buhatan nga masulban og mahawan na sa dayon ang sakit nga leprosy pinaagi sa Zero Transmission, Zero leprosy-caused disability, ug Zero discrimination and stigma sa mga nataptan niini.
Dugang pa nga matambalan ang leprosy pinaagi sa saktong medikasyon nga libre sab mga makuha gikan sa WHO. Ang sakit nga leporsy, usa ka impeksyon tungod sa bakterya nga gitawag Mycobacterium leprae.
Makaapektar kini sa mga ugat, panit, mata, ug ilong. Kon dili matambalan, mahimong moresulta kana sa pagkabaldado sa mga kamot ug tiil, paralisis, ug pagkabuta.
via || Bombo LJF
