DAVAO CITY – Wala sumala pay laoman nga power interruption sa Mindanao atol mismo sa adlaw sa eleksiyon sa Mayo 13, kini human nga nakiglambigit na ang Department of Energy sa distribution utilities ug electric cooperatives sa tibuok isla.
Sumala pa kang Nilo Geroche, DOE XI energy industry management chief nga ang DUs (distribution utilities) ingon man electric cooperatives (ECs) ang nangandam sa ilang election preparedness contingency plan.
Gitataw ni Geroche nga ang Dus ug ECs ang mandato nga mag-deploy sa ilang technical personnel sa ilang tagsa-tagsa ka mga lugar isip kabahin sa ilang gimugnang Energy Task Force sa central office aron nga masiguro nga makahimo gilayon ug mga lakang sa higayon nga adunay dili kalikayan nga mga insidente.
Samtang ang National Grid Corporation of the Philippines (NGCP) nagpahigayon ug annual blackout simulations aron nga masiguro nga ang mga electric cooperatives andam sa higayon nga adunay masinatian nga brownout atol sa pinili-ay.
Subay sa report gikan sa NGCP, nakatala ang Mindanao ug highest peak demand sa electricity uban ang 1,935 megawatts sa milabay nga May 6, 2019. Sa milabay nga tuig ang highest demand sa Mindanao ang anaa lamang sa 1,850 megawatts. Apan atol sa eleksiyon, gitataw ni Geroche nga ang demand sa electricity sa Mindanao ang dili sumala moabot sa highest peak demand nga natala karong May ilabi na ang election day gideklara nga holiday.
