DMW, pagatun-an ang deployment ban sa OFW ngadto sa Kuwait

Gikumpirma sa Department of Migrant Workers nga padayon pa gihapon niining pagatun-an ang panawagan nga magbaton og deployment ban sa nasud Kuwait.

Sumala mismo sa kasamtangan nga kalihim sa ahensya nga si Secretary Hans Leo Cacdac, magbaton pa una og mga panagpulong tali sa duha ka mga nasud isip respeto ug pag-ila sa gobyerno niini.

Apan, giklaro usab sa nasampit nga kalihim, ang ipahigayon nga hugot nga restriksyon pag-abot sa deployment sa mga Overseas Filipino Workers nga mas palig-unon pa.

Sumala pa sa opisyal, buot niini nga mamonitor og sakto ang kahimtang sa mga Pilipino nga mamumuo ilabi na sa mga domestic helpers.