DAVAO REGION-Mitambag ang Department of Migrant Workers-Davao Region ngadto sa mga bag-ong graduar nga estudyante nga nagapangita og trabaho sa mga langyaw nga kanasuran nga kinahanglang siguhon sa maong mga indibidual nga miagi sa saktong proseso ang ilahang aplikasyon.
Matud pa ni Marie Rose C. Escalada, Ph.D., Labor Attaché ug Assistant Regional Director sa DMW Davao nga kinahanglang bisitahon sa maong mga indibidual ang website sa DMW aron saktong masubay ang rules and regulations sa pag-apply og trabaho ngadto sa langyaw nga kanasuran, ilabi pa sa mga bag-ong graduar.
Sumala pa niini nga adunay outline sa tulo ka mga approved processes alang sa pagsiguro og employment sa langyawng kanasuran susama na lamang sa regular process, government to government ug direct hire. Ang mga buot mo apply ang gikinahanglan nga muapply ngadto sa central office sa maong buhatan.
Sigon pa ni Escalada nga hugtanon karon ang ilahang monitoring sa mga grupo sa illegral recruiters nga galihok sulod sa rehiyon.
Dugang pa niini nga sa bulan sa Abril 2024, mikabat sa dul-an 200k OWWA members ang natala sa rehiyon diin kapin 165k niini ang landbased, kapin 22k ang sea-based ug kapin 11k ang wala matino kon unsa ang trabaho sa langyaw nga kanasuran.
via/ DMA
