DAVAO CITY- Padayon ang ginahimong underground cabling project sa Davao Light and Power Company sa syudad sa Davao kung asa hapit na mahuman ang electrical work partikular sa dalang San Pedro.
Tumong sab sa DLPC nga mahimong wire-free ang Magsaysay Avenue kung asa anaa na sa 23.5% nga kumpleto ang ilang ginahimo nga excavation ug installation sa conduits lakip na ang mag buhat og manholes aron didto ibutang ang mga tubo nga agian sa linya sa kuryente.
Sumala kang Engr. Leo Remulta, Project Head sa DLPC, mas mapadali matud pa ang ilang trabaho sa paggamit og pre-fabricated manhole aron malikayan sab ang aberya sa motorista.
Gilaumang hingpit nga mahuman ang pagtrabaho sa R. Magsaysay Area sa unang quarter sunod tuig samtang makumpleto sab ang electrical works sa unang quarter sa tuig 2024.
Ang Underground Cabling Plan sa City Government of Davao ang subay sa City Ordinance no. 0152-17 series of 2017 kung asa gisugo ang tanan nga telecommunication companies ug Davao Light nga ilisdan ang mga overhead lines ngadto na sa underground systems.
