DAVAO CITY- Ipatuman na sa Davao Light and Power Company ang big time rollback sa singil sa kuryente sa karung bulana, Hunyo tuig 2024.
Sumala sa advisory nga gipagula sa maong buhatan, ang rate sa kuryente ang mokunhod ngadto sa P7.94 per kilowatt per hour gikan sa P10.76 per kilowatt per hour sa milabay nga buwan.
Ang maong pagpatuman sa DLPC nga maong pag kunhod sa singil sa kuryente, ang gumikan sa mando sa Energy Regulatory Commission, nga taliwala sa ilang pagkolekta sa generation charge sa Wholesale Electricity Spot Market karung bulana hangtod sa bulan sa Setyembre.
Apan, nagpahibalo ang maong buhatan nga sa mga musunod nga mga bulan posibleng aduna gihapoy pagsaka pag balik sa singil sa kuryente.
Nag-awhag usab kini sa mga kunsomante nga mag tipid ug mahimong responsable sa pag gamit ug kuryente.
Gani gikanayon ni DLPC Reputation Enhancement Department Head Fermin Edillon nga ang pagsaka sa demand sa kuryente ang mamahimong mosangpot sa pagtaas usab sa power rates.
via/ DMA
