DAVAO CITY – Dako ang pagpasalamat sa mga distressed overseas Filipino workers (OFWs) sa nahimong tabang kanila sa Overseas Workers Welfare Administration (OWWA) nga makasugod sa ilang bag-ong kinabuhi bisan nga wala sila giswerte sa ilang pagpanarbaho sa abroad.
Gikanayong pinaagi sumala pa sa gipahigayon nga training sa ahensiya, magiyahan ang mga kanhi OFWs kung paunsa magbaton og kaalam sa pagtukod og panginabuhian ingon man mahatagan ang mga nahisgutan og puhonan ilabi na kadtong wala nay plano nga mobalik og pagpanarbaho sa abroad.
Una ng gibutyag ni Ma. Luz Talento, in-charge sa comprehensive OFW Reintegration program, OWWA-11, nga pinaagi sa gipahigayon nga training sa ahensiya masayran sa mga kanhi OFWs ang ilang katakos ug kung asa sila haom sa mga buot nilang buhaton.
Angayan sumala pa nga gusto sa mga OFWs ang ilang gihimo ilabi na kung buot nila nga magtukod og negosyo aron nga makabaton ang mga nahisgutan og maayo nga income.
