DAVAO CITY – Gisuta pa karon sa Toril Police Station ang kalabot sa pagkasunog sa desaster vehicle nga gi-issue sa kagamhanang dakbayan ngadto sa Barangay Camansi, Toril District kaganinang kaadlawon.
Nasayran nga ang nasunog nga sakyanan naka-parking lamang sa gawas nga bahin sa Barangay Disaster Risk Reduction Management Office dihang misilaob.
Sumala sa Toril Police mas palawman pa nila ang imbestigasyon aron nga masayran kung gituyo ba ang nahisgutan nga pagkasunog, o kung dunay electrical problem sa wiring sa nahisgutan nga sakyanan.
Una nang gipahayag sa usa ka CVO nga nanimuyo doul sa barangay hall nga na-abtan na lamang niini ang sakyanan nga gilamoy na sa kalayo apan nakita nga tawo nga posibling mituyo sa paghimo niini.
Padayon pa nga makig-alayon ang barangay ngadto sa Bureau of Fire Protection aron nga nasuta ang kinatibuk-an nga danyos sa sunog.
Natabang sa mga nagpakabana nga mga residente ang pagkaylap sa sunog, apan nadanyos ang wiring sa dashboard, lingkuranan ug atubangan nga bahin sa sakyanan.
