Naglusad ang lokal nga panggamhanan sa Davao, pinaagi sa City Disaster Risk Reduction and Management Office (CDRRMO) ug sa City Social Welfare and Development Office (CSWDO), ug lima ka adlaw nga sunod-sunod nga disaster resilience capacity building training nga gitumong sa mga barangay nga hilabihan ang pagka-prone sa pagbaha ug gi-deklara nga under state of calamity niadtong 2024.
Sa pagsugod sa maong aktibidad, gikanayon ni CSWDO Emergency Section Head Annabelle Lugo nga atol sa ikaduhang adlaw sa maong training nga gipahigayon sa Talomo B Barangay Hall, ang katuyoan sa lima ka adlaw nga pagbansay mao ang pag-andam sa komunidad sa posibleng mga emerhensiya ug aron mapalambo ang ilang kahibalo ug kahanas sa pagresponde. Nsayran nga ang mga partisipante sa training mao ang mga kabatan-onan, solo parents, kababayen-an, ug mga persons with disabilities.
Samtang gitutokan niini ang mga residente gumikan sila mahimong boluntaryong pwersa nga makatabang sa mga barangay responders ug sa mga personnel sa Central 911.Sulod sumala pa sa lima ka adlaw nga training, makat-on ang mga partisipante og community organizing, fire suppression, basic life support, radio operation, ug daghan pang mga kahanas nga makatabang panahon sa emerhensiya.Sa kataposang adlaw sa pagbansay, moagi usab sila og simulation exercise (Simex) diin ilahang ipatuman ang ilahang nakat-unan pinaagi sa usa ka emergency scenario.
Gidugang pa ni Lugo nga ang sunod nga mga batch sa training ipahigayon sa Talomo A (second batch), City Poblacion A (third batch), Buhangin A (fourth batch), ug sa Bunawan, San Isidro, ug Barangay Lasang kon (fifth batch).
