Nagmalampuson ang gipahigayon nga christmas dinner for a cause nga gipangunahan sa Sta.Ana PNP sa usa Apo View Hotel sa Bonifaco St. ning dakbayan Lunes sa gabii.
Ang kalihokan gi-organisar kauban ang EMAR Children of Hope ug ENDONELA Foundation, usa ka non-government organization, ubos sa tema nga “A Meal for Children’s Hope and Transformation.”
Gisalmutan usab kini ni PCOL Mannan C. Muarip isip pagsuporta ug pagpakita og pagpakabanan sa mga bata nga anaa sa conflict with the law (CICL) samtang gipalig-on ang kolaborasyon tali sa law enforcement ug community partners.
Ang programa nagpakita usab sa talento sa nagkalain-laing grupo, nga nagpasiugda sa pagka-creative ug panaghiusa sa pagsaulog sa Kapaskuhan.
Isip pasalamat, gipanghatag ang plaques of appreciation ngadto sa mga personnel, stakeholders, ug partner NGOs tungod sa ilang padayon nga suporta sa mga programa ug inisyatibo sa DCPO.
Gipakita sa maong kalihokan ang komitment sa DCPO sa pagpasiugda sa community engagement, paghatag og paglaum, ug pagpalambo sa transformation pinaagi sa tinabangay ug responsableng pakig-partner sa komunidad.
Dako usab ang pagpasalamat ni PMaj. Recheen Lagnayo ang Station Commander sa gipakitang pagsuporta sa maong kalihukan nga katuyuan mao ang pagpaglambo sa mga programa nga makahatag og kaayuhan og kalambuan sa syudad.
