DAVAO CITY – Subling nagpahimangno ang ahensiya sa Department of the Interior and Local Government (DILG) ngadto sa mga Barangay officials nga walay gihimo nga aksiyon o wala nakiglambigit sa kagamhanan sa pagpatuman sa anti-illegal drug campaign.
Sumala pa kang DILG Secretary Eduardo Año nga aduna pa gihapoy 20,000 drug-infested barangays sa nasod luyo sa padayon nga pagpanigkamut sa kagamhanan sa war on drugs.
Gipasalig ni Año nga manubag ang mga Barangay kapitan nga walay gihimo nga lakang ilabi na kung naghitak ang suliran sa droga sa ilang lugar.
Angayan sab sumala pa nga naglihok ang Barangay Anti-Drug Abuse Councils (Badac) ilabi na nga gipundohan kini sa kagamhanan.
Kahinumduman nga ilalom sa DILG memorandum, sa higayon nga mapakyas ang local officials nga gahinan ug pundo aron nga ma-assists o mapalambo ang pagpatuman sa Republic Act 9165 or the Comprehensive Dangerous Drugs Act of 2002 , hayan nga dili aprubahan ang tinuig nga pundo sa barangay.
Pasakahan sab sumala pa ug kasong administratibo ang mga malapason nga opisyal.
