DAVAO CITY – Gibutyag sa Department of the Interior and Local Government (DILG) Davao nga mohimo gilayon sila ug mga lakang sa higayon nga padayon sa ilang binuhatan ang mga local officials ug business establishments nga mihatag sumala pa og suporta sa komunistang grupo sa Davao Region.
Una ng gibutyag ni DILG-Davao director Alex Roldan nga mismong ang buhatan ni Pangulong Rodrigo Duterte ang mihatag og listahan sa mga government officials, business establishments, ug bisan mga empleyado sa gobyerno nga mitunol og revolutionary taxes sa komunistang grupo.
Kini sumala pa ang rason nganong magpadayon sa ilang binuhatan ang mga rebelde gumikan dinhi maggikan ang pondo nga gamiton sa ilang operasyon.
Gikanayon sab ni Roldan nga gi-verify pa nila karon ang listahan ug nakighinabi na sa pipila ka mga personalidad nga nalambigit nga gilangkuban sa mga mayor, bise mayor, ug mga opisyal sa barangay.
Una ng nagbahad si Roldan nga makiglambigit sila kang DILG Secretary Eduardo Año ug Pangulong Rodrigo Duterte sa higayon nga magpadayon ang mga negosyante ug pipila ka mga government officials sa paghatag og suporta sa mga rebelde.
