-- ADVERTISEMENT --
DAVAO CITY – Gipahimangno-an sa Department of Interior and Local Government (DILG) ang mga empleyado sa kagamhanan nga likayan ang pagdawat ug regalo gikan sa publiko.
Sumala pa kang DILG Regional Director Alex Roldan hugtanon nga gi-dili sa balaod ang pagdawat ug regalo o pabor aron nga dili ma-impluwensyahan ang mga hukom niini.
Gipasabot sa DILG Regional Director nga ang pagtugot ni Pangulong Duterte sa pagdawat sa mga police ug regalo pagpakita lamang sa kultura sa mga Filipino.
Gipaklaro hinoon niini nga mopatigbabaw ang responsabilidad sa mga anaa sa kagamhanan nga wala kini’y paboran sa pagpatuman sa balaod.
Hinoon aminado si Roldan nga lisod nga mapasakaan ug kaso ang mga taga-kagamhanan nga modawat ug regalo sa publiko.
-- ADVERTISEMENT --
