DAVAO CITY – Gipapaigmat sa Department of Interior and Local Government 11 ang mga barangay batok sa mga mangingilad nga nagpailang contractors gikan DILG ug Department of Budget and Management kon DBM kins una ng gikatahong daw motabang sa mga programa sa barangay ilawom sa Retooled Community Support Program kon RCSP sa ahensya.
Gikanayon ni Alex Roldan, DILG 11 Regional Director, puntirya sa mga nagpailang contractors ang mga barangay nga benepisyaryo sa RCSP alang sa gisabutang Memorandum of Agreement.
Matud pa sa opisyal, nagpadayon gihapon ang pagdawat sa mga proyekto sa barangay nga muagi sa saktong proseso sama sa procurement sa gobyerno nga nanginahanglan og tumang technical ug feasibility study una pa man itukod.
Gipaklaro sab sa ahensya nga ang pag-release sa pondo hangtud P6 million sa matag barangay ang direktang maggagikan sa DBM ngadto sa kagamhanan sa munisipalidad diin ipanukad ang procurement.
Dugang sa opisyal, anaa sa 215 ka mga barangay ang nahatagan na og pundo gikan sa Support to the Barangay Development Program kon SBDP diin nasa 607 ka mga proyekto ang malampusong gilusad sa mga barangay sukad 2021 sama sa patubig, agrikultura, panginabuhian, assistance alang sa mga indigent nga residente, electricfication, dalan ug uban pa.
Ang RCSP kon Retooled Community Support Program, usa ka programa sa DILG nga magpunting sa mga panginahanglanon sa matag barangay aron mahatagan og interbensyon gikan sa gobyerno.
via || Bombo LJF
