DAVAO CITY – Subling gipahimangnoan ni Department of Interior and Local Government (DILG) regional director Alex Roldan ang mga opisyal sa local government units (LGUs) nga kinahanglan mangunay kini sa paghimo ug mga lakang aron nga mapugngan ang mga investment schemes sa ilang tagsa-tagsa nga lugar ug aron nga dili mag-atubang ug reklamo ang mga nahisgutan sa higayon nga wala kini aksiyon nga himuon.
Sumala pa kang Roldan angayan nga i-report gilayon ang mga establisyemento nga nagatanyag ug dako nga tubo sa investment ilabi na kung wala igong dokumento nga gihuptan.
Mihatag sab ug katin-awan ang nahisgutan nga wala matud pay nagdili sa mga indibidwal nga motukod ug investment schemes apan siguruhon lamang sa mga nagdumala niini nga aduna silay ensakto nga permit ug nahasubay kini sa ilang aplikasyon sa pagtukod sa ilang negosyo.
