DAVAO CITY – Subling nasunog ang nahitabo sa dakbayan sa Digos, diin alas 4:48 kaganinang kaadlawon subling nasunog ang porsyon sa Digos City Public Market, dapit sa old terminal, labi na ang bakeshop.
Milungtad ug kapin sa usa ka oras ang pag-ulbo sa kalayo nga misugod sa usa ka bakeshop ug napagan pa ang lain nga mga balay pamatigayon sa sulod sa Digos City Public Market.
Dali nga naka-responde ang kabomberohan gikan sa nahisgutan nga dakbayan ug ang Filipino-Chinese Fire Volunteer, bisan ang kabomberohan gikan sa kasikbit nga mga kalungsuran sa lalawigan sa Davao del Sur, diin gilakipan sa gikan sa Sta. Cruz, Davao del Sur, lakip na ang gikan sa Padada, Hagonoy, Bansalan, Matanao, ug lungsod sa Magsayay aron sa pagtabang sa pagpalong sa sunog.
Wala pa gayud masuta kung unsa ang hinongdan sa nahisgutan nga sunog ug padayon pa ang gihimong pagsubay sa Bureau of Fire Protection sa nahisgutan nga dapit.
