Gipahibalo sa Department of Foreign Affairs (DFA) nga wala’y labot nga sensitibong operasyon ang sakop sa giamyendahan nga memorandum of understanding (MOU) tali sa Philippine Coast Guard (PCG) ug China Coast Guard.
Gipahayag sa DFA spokesperson on maritime affairs nga si Rogelio Villanueva Jr., ang tuyo sa gisugyot nga mao ang pagtukod sa Joint Coast Guard Committee on Maritime Cooperation, nga gimugna ubos sa 2016 nga kasabutan sa duha ka partido.
Gibutyag usab sa ahensya nga dili apil sa kasabotan ang kooperasyon sa sensitibong mga lugar sa operasyon ug joint patrols; kini usab nagserbisyo isip pormal nga paagi sa komunikasyon tali sa duha ka coast guards.
Dugang pa niini, gihimo ang maong negosasyon pinaagi sa angay nga diplomatic channels ug gipalapdan pa pinaagi sa Bilateral Consultation Mechanism meetings.
Gisiguro sa DFA nga ang mga paghisgot gireport sa mga opisyal sa gobyerno, lakip na ang National Security Adviser isip nagdumala sa National Task Force for the West Philippine Sea, ingon man sa Secretary of Foreign Affairs ug PCG Commandant.
