DAVAO CITY – Hugtanon nga gipanghimakak ni Maranao Deputy Mayor Randy Usman nga duna siya’y kalambigitan sa pagpang-engganyo nga mamahimong sakop sa Federal Movement bugti sa bayad nga P50 pesos hangtud sa P100 ka pesos isip bayad sa identification ID.
Nalambigit sa issue si Randy Usman gumikan kay nalakip ang pangalan niini sa ID isip National Adviser ug si Peter Lavena isip National Convenor, ug Sinuda Barangay Captain Celso Tizon isip National Chairperson.
Sa mga nakakuha ug ID dunay pasalig kanila nga isip membro maka-utang sila Hugpong Federal Movement of the Philippines ug hangtud sa singkwenta mil ka pesos, ug mahatagan ug trabaho isip livelihood assistance gikan sa kagamhanan.
Aminado si Usman nga usa siya sa mga mipaluyo sa Hugpong Federal Movement apan gipa-klaro nga wala siya nangapangayo ug registration fee sa mga bout mamahimong membro sa ilang grupo.
Dugang pa ni Usman nga wala sab sila nagapasalig ug trabahon gumikan kay tumong lamang niini nga makakuha ug dugang suporta sa pagduso sa gipaningkamotn nga Federal nga matang sa kagamhanan ni Pangulong Rodrigo Duterte.
