DAVAO CITY- Malaumon an tigpamaba sa Department of Education XI nga makab-ot ang 1.5 million target nga enrollees sa SY 2024-2025.
Sumala pa ni Jenielito “Dodong” Atillo, tigpamaba sa tigpamaba sa DepEd XI nga as of July 22, 2024, anaa na sa 726,949 ka mga enrollees ang ilang natala nga gilangkuban sa 361,310 ka mga lalaki ug 365,639 nga mga babae.
Gumikan niini, giawhag sa opisyal ang partisipasyon sa mga ginikanan nga inay ulahi nga magpa-enroll, mosayo na og bisita sa mga nagkadaiyang tulonghaan ning rehiyon.
Sa pikas bahin, nihatag og katin-awan si Atillo sa hisgutanang pagtanggal sa K12.
Pagpaklaro pa niini nga bisan paman bag-o na ang secretary sa DepEd, magpabilin gihapon ang K12 hilabi pa sa rason nga daghan kini’g natampo nga kaayohan sa mga estudyante ug makatabang usab sa dili pagpaulahi sa pilipinas sa hisgutanang edukasyon.
