DAVAO REGION- Mihatag og katin-awan ang tigpamaba sa Department of Education XI nga si Jenielito ‘Dodong’ Atillo nga ning kasamtangan, sa teknikal nga pagsulti si VP Sara gihapon ang nagapamuno kanila tungod ang resignation niini ang magsugod pa karong umaabot nga Hulyo 19 tuig kasamtangan.
Ang maong pamahayag sa tigpamaba ang nahitabo human mibuto ang hisgutang miresign na sa katungdaan si Vice President Sara Duterte isip Secretary sa Department of Education niadtong milabayng Hunyo 19.
Gikumpirma usab niini ngadto sa publiko nga ang DEPED ang dili ‘headless’ nga departamento tungod kay anaa gihapon ang Bise Presidente isip Secretary sa DEPED.
Sumala pa ni Atillo nga ning kasamtangan nagapangandam na ang maong buhatan alang sa bag-ong mapili sa Presidente isip bag-ong mogunit kanila.
Matud pa niini nga ilaha ng ihatag sa pangulo ang maong pagpili bisan pa man adunay mga hisgutanan nga buot sa kadaghanan nga ang bag-ong mulingkod isip DepEd Secretary ang naggikan sa maong buhatan ,usa ka magtutudlo o usa ka indibidual nga hinaguan ang ranggo aron masabtan niini ang kasamtangang sitwasyon sa departamento.
Gigarantiya niini ngadto sa mamahimong bag-ong DEPED Secretary nga ang kinatibuk-ang populasyon sa maong departamento ang bug-os nga mosuporta sa mapiling bag-ong opisyal.
Nag-awhag usab kini sya ngadto sa mga nagasuporta sa Deped nga layong ipadayon kini tungod alang lamang pud kini sa mga kabataan ug sa future generation.
